దేశానికి ఆండ్రాయిడ్ మాల్వేర్ "బ్లాక్రాక్" ముప్పు పొంచి ఉందని సైబర్ సెక్యూరిటీ సంస్థ హెచ్చరించింది. ఈ బ్లాక్రాక్.. వినియోగదారుల బ్యాంకింగ్ వివరాలు సహా ఇతర రహస్య సమాచారాలను దొంగిలించగలదని పేర్కొంది.
ఈ-మెయిల్, ఈ-కామర్స్ యాప్లు, సామాజిక మధ్యమాల యప్లతో పాటు బ్యాంకింగ్- ఆర్థిక యాప్లు సహా 300లకుపైగా యాప్ల నుంచి వినియోగదారుల క్రెడిట్ కార్టుల వివరాలను ఈ బ్లాక్రాక్ పొందగలదని 'ఇండియన్‌ కంప్యూటర్‌ ఎమర్జెన్సీ రెస్పాన్స్‌ టీమ్'(సీఈఆర్టీ-ఇన్) హెచ్చరించింది. ట్రోజన్ కేటగిరిలోని ఈ వైరస్.. ప్రపంచవ్యాప్తంగా యాక్టివ్గా ఉందని వెల్లడించింది.
"పరికరంలో మాల్వేర్ పని చేయడం ప్రారంభించిన అనంతరం.. దాని ఐకాన్ కనుమరుగవుతుంది. ఆ తర్వాత నకిలీ గూగుల్ అప్డేట్గా ప్రత్యక్షమవుతుంది. అనుమతి కోసం వినియోగదారుడిని అడుగుతుంది. ఒక్కసారి అనుమతిస్తే.. మరికొన్ని అనుమతులు దాని అంతట అదే పొందుతుంది. వినియోగదారుడితో సంబంధం లేకుండా అనేక ముఖ్యమైన విషయాలకు స్వయంగా అనుమతులు ఇచ్చుకుంటుంది. ఆ తర్వాత వినియోగదారుడి బ్యాంకింగ్ వివరాలను దోచుకుంటుంది."
--- సీఈఆర్టీ-ఇన్ ప్రకటన
ఇదీ చూడండి:- ఇంటి నుంచి పనిచేస్తున్నారా.. ఐతే జాగ్రత్త!
ఈ వైరస్ ఎంతో ప్రమాదకరమని.. యాంటీ-వైరస్ యాప్లు కూడా దీని ముందు పనికిరావడని సీఈఆర్టీ పేర్కొంది. ఈ మేరకు పలు సూచనలు జారీ చేసింది.
- అనుమానాస్పద యాప్లను డౌన్లోడ్ చేసుకోవద్దు. మార్కెట్లో మంచి గుర్తింపు ఉన్న వాటినే ఇన్స్టాల్ చేసుకోవాలి.
- యాప్ వివరాలను సమీక్షించాలి. ప్లే స్టోర్లో డౌన్లోడ్ చేసుకునే ముందు.. డౌన్లోడ్ల సంఖ్య, వినియోగదాల అభిప్రాయాలు, అదనపు సమాచారాలను చూడాలి.
- డౌన్లోడ్ కోసం తెలియని వైఫై నెట్వర్క్ కాకుండా.. డివైజ్ ఎన్క్రిప్షన్, ఎస్డీ కార్డు వాడండి.
- బ్యాంకింగ్ యాప్లకు సంబంధించి అధికారికమైన వాటినే వినియోగించాలి.
ఇదీ చూడండి:- 'జోకర్'తో జరభద్రం- లేదంటే ఖాతా ఖాళీ!
